Yaxshilik
Baxtli boʻlish sirlaridan biri – boshqalarga yaxshilik ulashish. Bu yaxshilik vaqt, pul, mehr va koʻp turli koʻrinishlarida boʻlishi mumkin. “Jajji akademik” bolalar jurnali va “Akademnashr” nashriyoti Chirchiqdagi 14-son mehribonlik uyidagi bolajonlarni ziyorat qilgani borishdi. Biz bu yerda yaxshilikning barcha turlariga guvoh boʻldik. Bolalar har koʻrganida “Assalomu alaykum” deb tabassum bilan bizni qarshi olishardi. Tadbir bilan bogʻliq ishlarimizda yugurib-yelib yordam berishga oshiqardi va “yana yordam kerakmi?“ deb turishardi. Bolalarning hammasi aqlli, odobli, mehribon edi! Qaysi bola bilan gaplashmaylik hammasining oyijonisi bor. Hayron boʻldik… Keyin bilsak 108 ta bolaning bitta onasi bor ekan. U mehribonlik uyining direktori Kenjayeva Farida Jurayevna ekan. Ajoyib muslima ayol! Alloh rozi boʻlsin. Tadbir boshlanishidan oldin Sevinch ismli qizaloq o‘zi yozgan she’ridan aytib berdi: Dadajon Xayolimda orzular fasli, Sog‘inyapmiz sizni, dadajon. Oylar o‘tsin deb kunla