JURNALIST BO‘LAMAN ( kichik maqola )

-

       Bir kuni, maktabimizda «Tong yulduzi» gazetasi xodimlari bilan ijodiy uchrashuv tashkil qilindi.  

  Men onamning maslahatiga binoan gazeta xodimiga yozgan maqola va hikoyalarimni  ko‘rsatmoqchi bo‘ldim. 

Tadbir kuni maktab faollar zali mehmonlar va o‘quvchilar bilan to‘ldi. Rus tili o‘qituvchimiz Feruza opa «Tong yulduzi» gazetasi muxbiri Sayyora Qodirovani sahnaga taklif qildilar. Sayyora opa o‘quvchilarga gazeta haqida ma’lumot berar ekanlar, agar orangizda gazetamizda o‘z maqolalarini chiqishini istovchilar bo‘lsa, bizga murojaat qiling, dedilar. Tadbir tugadi. Jurna list opa maktab darvozasidan chiqib, avtobus bekatiga qarab ketdilar. Ortlaridan yetib borib, o‘zimni tanishtirdim, ular maqolalarimni olib ketdilar, meni tahririyatga taklif qildilar. Oradan bir necha kun o‘tgach, sevimli nashrimiz «dunyoga keladigan» joyga bordim  – Navoiy ko‘chasi, 30-uyga! Ushbu nashrning yaqin do‘stiga aylandim. Uning sahifalarida 10 
ga yaqin katta-kichik maqolalarim chop etildi. Shu tariqa jurnalistika olamiga kirib keldim. «Tong yulduzi» gazetasida maqolalarim bosilgach, tengdoshlarimdan ko‘plab qo‘ng‘iroqlar bo‘ldi. Albatta, bunday qo‘ng‘iroqlar, maktublar bu kasbga bo‘lgan ishtiyoqimni oshirdi.  Men kelajakda mashaqqatli va sharafli kasb egasi – jurnalist bo‘lmoqchiman. Bu kasb egasi bo‘lish uchun esa insonning ko‘ngli 
toza, noyob iste’dodi, teran nigohi, nozik didi bo‘lishi kerak. U xalqning dardini tinglab, muammolariga yechim topishda ko‘makchi bo‘lishi kerak. Jurnalistning eng muhim xususiyati xolislik hisoblanadi. Shuningdek, undan har qanday yangilikni tezkorlik va shaffoflik bilan ommaga yetkazish talab qilinadi. Shundagina u xalq mehrini qozona oladi. Men ana shunday mohir jurnalist bo‘lish uchun puxta o‘qib- o‘rganyapman, tinimsiz izlanyapman. 


                                                                                                                                    Aziz ABDUMALIK

                                                                                                                   ,,Tong yulduzi" gazetasi 21- son



ТАҒИН ЎҚИНГ

«Qovoqvoy» nega tarsaki yedi?

-
Изображение
  «Qovoqvoy» nega tarsaki yedi? Sahifamiz mehmoni O‘zbekistonda xizmat ko‘rsatgan artist, kino va teatr aktyori Abdu­samad JO‘RABOYEV. Po‘lat Mo‘minning «Qovoqvoy va Chanoqvoy» asari asosida sahnalashtirilgan spektakldagi Qovoqvoy roli bilan nafaqat yosh tomoshabinlar, balki kattalarning ham mehrini qozongan sevimli aktyorimizning bolalik xotiralarini birgalikda o‘qiymiz. Otam Chinoz tumanining Tillaobod qishlog‘ida oddiy mirob (suvchi) edi, juda ko‘p mehnat qilardi, sira tinmasdi. Uning dam olib o‘tirganini hech ko‘rmaganman. U chimni ketmonda bir tekis qilib kesib, qo‘lida ustma-ust taxlab chiqardi. Bo‘sh vaqtimda otamga yordam berardim. Kolxoz rahbari cho‘pni yerga tashlaganda, u yarmigacha yerga kirib ketmasa, otamning tongdan tungacha qilgan mehnatini inobatga olmasdi. Otam shu tariqa bir burda non topardi. Qishlog‘imizda Ahmad ota degan yoshi ulug‘ bir inson yashardi. Uning katta bog‘i bo‘lib, u yerda har xil mevalar pishib yotardi. Bir kuni o‘rtoqlarim, «Ahmad otaning bo
Batafsil...

Oilaviy mutolaa kechasi

-
Изображение
“Jajji akademik” jurnalining faol ijodkorlari tomonidan “Oilaviy mutolaa kechasi” oʻtkazildi. Tadbirda oliy toifali ruhshunos ota-onalar va bolalar bilan suhbatlashib, bolalarning kitobga jalb qilishning turli qiziq usullarini oʻrgatdi. Keyin esa jajji akademiklarga Saʼdulla Quronov ajoyib qahramonlarga boy, qiziqarli sarguzasht komikslaridan oʻqib berdi. Bu komikslarni eshitgan oʻquvchilar qahramonlarning kechinmalarini koʻrib goh kulishdi, goh xafa boʻlishdi. “Jajji akademik” ijodkorlari oʻquvchilar va ota-onalarga oʻzlari komiks yaratishi mumkinligi haqida aytishdi. Bu fikr hammaga yoqib tushdi. Ota-onalar va bolalar birgalikda maza qilib komikslar tuzishdi. Tadbir soʻngida esa kitob yarmarkasi oʻtkazildi. Mehmonlar uchun shirinliklar dasturxoni yozildi. Barchaga bu tadbir manzur boʻldi. “Jajji akademik” esa kelgusida ham bunday tadbirlarni doimiy ravishda oʻtkazishni rejalashtirib qoʻydi.
Batafsil...

Qo’ng’iroq chalinguncha...

-
Изображение
      U kunni unutmayman! Bundan o’n yil oldin maktabga ilk bor qadam qo’ygandim.  Kechagidek esimda,    o’sha kuni  tong sahar turib oyim ikkimiz ilk o’qish kuniga tayyorlandik.  Chiroyli shim oq ko’ylak,  kostyum va akamning galstugi…         Kiyinib bo’lgach maktab tomon dadil qadam bilan yurgandik. Yo’l bo’yi maktab haqida o’ylardim.  Maktab darvozasidan kirishim bilan ko’zim kostyum – shim kiygan, qo’llarida gul bilan bir safda turib, madhiya aytayotgan bolalarga tushdi. Hamma narsa yaxshi ediku-ya,  lekin shu payt oyog’imni nimadir chaqa boshladi. Shunaqangi achishardiki, o’sha payt yig’lab yuborayozdim. Chiroyli, artilgan tuflimni yechib, biror hashorot yo’qmikan deya tekshirib ko’rdim. Hech narsa yo’q.  Oyoq kiymimni kiyaman, yana chaqadi.  Og’riq brogan sari kuchayib boraveradi.  Ilk bor brogan maktabim ( Sirdaryo viloyati, Guliston shahridagi 7- maktabi) rahbari  devor qo’shnimiz edi. Shuning uchun bo’lsa kerak oyim, director, ma’naviyatchi va shoira Halima Xudoyberdiyeva bil
Batafsil...